Morgundagurinn

Heilir og sælir drengir.

Það eru vondar og góðar fréttir.

Góðu fréttirnar eru þær að Lokahóf Arnanna eða Stórveisla Stórveldis eins og ég kýs að kalla það verður heim hjá Frikka annað kvöld. Frikki er svo vænn að ætla að hýsa okkur og er honum þakkað innilega fyrir það.

Vondu fréttirnar eru hinsvegar ansi leiðinlegar. Leiknum við Henson hefur verið frestað!
Vantar dómara og helgarpabbarnir í Henson þurfa að vakna snemma á laugardagsmorguninn til að fara með krakkana sína í kolaportið (og eru að spila á einhverju helvítis háskólamóti). Gífurleg vonbrigði, en lítið við því að gera. Stemmt verður að því að spila leikinn í næstu viku. Vonandi hér útá Nesi. Sá leikur mun líklega fara fram með léttu ívafi af beggja liða hálfu.

Já ég veit drullusúrt.

En þrátt fyrir að það sé engin leikur þá þýðir það ekki að menn geti tekið því rólega.

Skellum okkur í eina virkilega góða æfingu kl. 7. Skiptum í tvö ellefu manna lið. Appelsínugulu eldinguna og Astrópíu. Spilum 2x40. Reynum að hafa þetta svoldið alvöru, svona í sárabætur.

Verum mættir út á völl 10-15 mínútur fyrir Sjö. Verum búnir að skipta í lið fyrir kl. Sjö og byrjum á slaginu 7.

Semsagt:

Dagskrá
kl. 19 Appelsínugula eldingin vs. Astrópía
Eftir leik: Sturta og snyrtering og kannski eilítill matarbiti.
Eftir sturtu og snyrteringu: Stórveisla Stórveldis

P.S. Það eru margar lifrar sem þarf að eyðileggja og Arnarsjóðurinn hefur því miður ekki bolmagn í að skemma þær allar. Komið með ykkar eigin. Lítið á hitt sem yndisauka, óvæntan glaðning.

Skemmtið ykkur!